Posted by NCMCS
NCMCS नेपालले राष्ट्रपति सीलाई एउटा पत्र लेखेर भनेको छ: जुन 20 तारीखका दिन चीनका राष्ट्राध्यक्ष सी चिन फिङले सन 1792 मा भएको नेपाल-चीन बेत्रावती सन्धि अनुसार अभिभावककाे भूमिका निर्वाह गर्दै पैचिङस्थित जन बृहत्त सभा भवनमा चीन भ्रमणमा रहनुभएका नेपालका प्रधानमन्त्री केपी शर्मा ओलीसँग भेट-वार्ता गर्नुभएको तथा सो अवसरमा चीन-नेपाल असल छिमेकी मुलुक रहेको भन्दै दौत्य सम्बन्ध स्थापना भएयता दुई देशले शान्तिपूर्ण अस्तित्वको पाँच सिद्धान्तको आधारमा आपसी हितयुक्त सहयोग गरिरहेको, नेपालको स्वतन्त्रता, अखण्डता, सार्वभौमिकताको संरक्षणसँगै आफ्नो अवस्थासँग अनुकूल रहेको सामाजिक प्रणाली र विकास बाटो छान्न नेपाललाई चीनले सधैँ समर्थन दिइरहने, नेपालको विकास लक्ष्यलाई चाँडै व्यवहारमा उतारिने आशा आफूले लिएको उल्लेख गर्नुभएकाे, चीन-नेपाल सम्बन्धमा नयाँ विकासको अवसर देखा परेको भन्दै दुई पक्षले उच्च तहबीचको आवत-जावत र रणनीतिक आदान-प्रदान बढाएर निरन्तर रुपमा शान्ति र सहअस्तित्वको पाँच सिद्धान्तमा अडिग रही आपसी हितमा ध्यान दिनुपर्ने साथै चीन-नेपाल सम्बन्धको राजनीतिक आधारलाई सुदृढ पार्नुपर्ने, राजनैतिक आदान-प्रदानलाई बढाएर दुई देशबीचको लोक आधारलाई सुदृढ पार्नुपर्छ र कानुले नेपालसँग बेल्ट एन्ड रोड इनिशिएटिभको आधारमा पूर्वाधार, अन्तर्क्रिया, प्रकोप भएपछिको पुनःनिर्माण, आर्थिक तथा व्यापारिक लगानी आदि क्षेत्रको सहयोगलाई बढाएर चौतर्फी आपसी हितयुक्त सहयोग प्रदान गर्ने इच्छा लिएको, दुई पक्षले मानवीय तथा साँस्कृनी शासन क्षमतासम्बन्धी सहयोगलाई बढाएर संयुक्त रुपमा अन्तर्राष्ट्रिय अपराधलाई प्रहार गरी चीन-नेपालको साझा सुरक्षाको संरक्षण गर्नुपर्ने कुरामा जाेेेड दिनुभएकोमा सम्माननीय चिनियाँ राष्ट्रपतिप्रति हार्दिक अाभार तथा धन्यवाद ब्यक्त गर्दछौं।
यतिबेला चीनको 6 दिने औपचारिक भ्रमणमा रहेका प्रधानमन्त्री तथा सत्तारूढ नेपाल कम्युनिस्ट पार्टी (नेकपा) का अध्यक्ष केपी ओली चिनियाँ राष्ट्रपति सी चिनफिङ, प्रधानमन्त्री ली खछ्याङ, विदेश विभाग प्रमुखका साथै अन्य वरिष्ठ राजनीतिज्ञसँग भेटवार्ता, सम्झौता र समझदारीलगायत काम पूर्वनिर्धारित तालिकाअनुसार सकेर प्रधानमन्त्री स्वदेश फर्किसकेर संसदलाई अाफ्नाे भ्रमणबारे जानकारी गराउनु भएको छ।
नेपालले एकचीनकाे नीतिप्रति बारम्बार प्रतिवद्धता ब्यक्त गर्ने तर ब्यवहारमा लागू नगरेको भए पनि नेपाल र नेपाली जनताको उच्च सम्मान र मुल्यांकन गर्दै नेपालमा रेलमार्ग निर्माणको विस्तृत अध्ययन प्रतिवेदन (डीपीआर) तयार गर्ने, सडक, अन्तरदेशीय विद्युत् प्रसारण लाइन, भूकम्पपछिको पुनर्निर्माणमा सहयोगको प्रतिबद्धता, सीमापार आर्थिक विकास, रसुवागढी–स्याफ्रुबेसी सडकखण्ड स्तरोन्नति, तातोपानी नाका पुन:सञ्चालन, मैत्रीपुल निर्माण, इन्धन भण्डारण, आर्थिक प्राविधिक सहकार्य, उत्पादन क्षमता वृद्धि, कार्गो यातायातलगायत सम्झौता कार्यान्वयनमा तीव्रता दिन सहजीकरण संयन्त्र बनाउने विषय तथा दुवै पक्षबीच संयुक्त राष्ट्रसंघ र अन्य बहुपक्षीय मञ्चमा साझा स्वार्थ विकास गर्दै विकसित, अल्पविकसित र भूपरिवेष्टित मुलुकबीचको सहकार्य अभिवृद्धि गर्ने उद्देश्य 14 बुँदेमा समाविष्ट गरेका तपाई सम्माननीय राष्ट्रपतिले जिम्मेवार अभिभावककाे भूमिका निर्वाह गर्नुभएकोमा हामी हार्दिक धन्यवाद दिन्छौं र सम्मान ब्यक्त गर्दछौं।
अन्त्यमा, नेपालभित्र रहेका हामी एकचीन नीति पक्षधर नेपाली नागरिकको सुरक्षा र सम्मानका पक्षमा पनि चीन सरकारले महत्त्वपूर्ण भूमिका निर्वाह गर्ने विश्वास लिएका छाैं।
Posted by DanfeTV
२०७५ असार १३, बुधबार ०३:१४
